ishtiaq ahmed 
وفاقی وزیر خزانہ مفتاح اسماعیل نے کہا ہے کہ آئی ایم ایف قرض کی دو قسطیں دے گا
اردو ورلڈ کینیڈا (ویب نیوز )اسلام آباد میں کانفرنس سے خطاب کرتے ہوئے مفتاح اسماعیل کا کہنا تھا کہ ساتویں قسط 90 کروڑ ڈالر اور آٹھویں قسط تقریبا ایک ارب روپے ہے۔ ملک کو ترقی کی راہ پر ڈالنے کے لیے مشکل فیصلے کرنے ہوں گے
وزیر خزانہ مفتاح اسماعیل نے کہا کہ ٹیکس جمع نہیں کر سکتے تو خود انحصاری کی بات نہ کریں۔ جب ہم آئے تو پاکستان کو ریکارڈ بجٹ خسارے کا سامنا تھا۔ قرضوں کی ادائیگی پر اربوں روپے خرچ کرنے پڑتے ہیں۔
مفتاح اسماعیل نے کہا کہ حالات اب بھی مشکل ہیں لیکن ہم بہتری کی طرف بڑھ رہے ہیں، ملک دیوالیہ ہونے کے خطرے سے باہر ہے، ہم پاکستان بھر کے دکانداروں کو ٹیکس نیٹ میں لا رہے ہیں۔
قبل ازیں ایک ٹویٹ میں مفتاح اسماعیل کا کہنا تھا کہ پاکستان کو اقتصادی اور مالیاتی پالیسیوں سے متعلق ایک دستاویز موصول ہوئی ہے جس سے پاکستان کے لیے آئی ایم ایف پروگرام دوبارہ شروع کرنے کی راہ ہموار ہوئی ہے۔
مفتاح اسماعیل نے کہا کہ دستاویز کا اجرا اس بات کا ثبوت ہے کہ فریقین پاکستان کے لیے آئی ایم ایف پروگرام کو دوبارہ شروع کرنے اور اس میں توسیع کے لیے تیار ہیں۔
