ishtiaq ahmed 
اردو ورلڈ کینیڈا ( ویب نیوز )پی ٹی آئی رہنما فواد چوہدری نے کہا ہے نئے میثاق جمہوریت کی ضرورت ہے۔ ہم اگلے انتخابات کے فریم ورک پر بات چیت کے لیے تیار ہیں۔
لاہور میں پریس کانفرنس کرتے ہوئے فواد چوہدری کا کہنا تھا کہ پنجاب میں پانچ مخصوص نشستوں پر پی ٹی آئی کا حق ہے اور اسے نمائندگی دینے سے انکار بدقسمتی کی بات ہے۔ مخصوص نشستوں کا ضمنی انتخابات سے کوئی تعلق نہیں تھا۔
انہوں نے کہا کہ پنجاب میں حمزہ شہباز کو جس طریقے سے غیر قانونی طور پر اقتدار میں لایا گیا وہ شرمناک ہے اور الیکشن کمیشن نے حمزہ شہباز کو وزیراعلی بنانے میں ایک طرح سے ن لیگ کی مدد کی۔ سندھ میں 800 افراد بلامقابلہ منتخب ہوئے ہیں۔ یہ ایک مذاق ہے جس طرح سے الیکشن ہو رہے ہیں وہ الیکشن نہیں بلکہ سلیکشن ہے۔
پی ٹی آئی رہنما نے کہا کہ نیب ترامیم کے بعد نیب عملا دم توڑ چکا ہے اور صرف تدفین باقی ہے۔ انہوں نے امید ظاہر کی کہ سپریم کورٹ نیب ترامیم اور ایف آئی اے پراسیکیوٹر کی تبدیلیوں کے کیس کی سماعت کرے گی۔
