اردو ورلڈ کینیڈا (ویب نیوز)پاکستان تحریک انصاف کے چیئرمین عمران خان نے کہا ہے کہ ن لیگ اور پیپلز پارٹی کو ڈر تھا کہ وہ لیفٹیننٹ جنرل فیض کو آرمی چیف لانا چاہتے ہیں
اسلام آباد میں تقریب سے خطاب کرتے ہوئے سابق وزیراعظم عمران خان کا کہنا تھا کہ پیپلز پارٹی کے خرم دستگیر نے کہا تھا کہ عمران خان اپنا آرمی چیف لانا چاہتے ہیں، پی ٹی آئی نے سوچا بھی نہیں تھا کہ کہ اگلا آرمی چیف کون ہوگا، ہماری حکومت نے فیصلہ کیاکہ میرٹ پر فیصلہ وقت پر کیا جائے گا۔
انہوں نے کہا کہ سابق وزیراعظم نواز شریف چوری کی رقم بچانے کے لیے اپنی پسند لانا چاہتے تھے۔ میں نے ہمیشہ کہا کہ پیپلز پارٹی اور مسلم لیگ ن کے مفادات ایک ہیں۔ ماضی میں دونوں الیکشن جیتنے پر ایک دوسرے پر الزامات لگاتے تھے لیکن دونوں میرے خلاف ہیں۔
سابق وزیراعظم نے کہا ہے کہ جب رانا ثنا اللہ کے ماتحت نیب ہو گا تو اندازہ لگا لیں کیا ہو گا۔
چیئرمین پی ٹی آئی نے کہا کہ پیپلز پارٹی اور مسلم لیگ ن دونوں کو فوج سے خطرہ ہے کیونکہ ان کی چوری کی اطلاع آئی ایس آئی اور دیگر حساس اداروں کو ہوتی ہے۔ نواز شریف اور زرداری نے پیسہ چوری کیا، اداروں کو کنٹرول کرنا چاہتے تھے۔
عمران خان نے کہا کہ امریکہ نے ہمارے ملک کو پتھر کے دور میں دھکیلنے کی دھمکی دی، امریکہ اپنے فائدے کے لیے حکومت بدلتا ہے ہمارے فائدے کے لیے نہیں۔ امریکہ چاہتا ہے کہ ہندوستان مضبوط ہو اور چین کا مقابلہ کرے۔ امریکہ کا ایجنڈا کشمیر کو بھول کر اسرائیل کو تسلیم کرنا ہے۔
