وزیراعظم شہباز شریف نے آئی ایم ایف معاہدے کی روشنی میں پیٹرولیم مصنوعات کی قیمتوں میں اضافے کو ناگزیر قرار دے دیا۔

ایک بیان میں شہباز شریف نے کہا کہ وہ ایندھن کی قیمتوں میں اضافے کے اثرات سے بخوبی آگاہ ہیں لیکن آئی ایم ایف معاہدے کی وجہ سے قیمتوں میں اضافے کے سوا کوئی چارہ نہیں ہے۔

انہوں نے کہا کہ آئی ایم ایف معاہدے پر پی ٹی آئی حکومت نے دستخط کیے ہیں اور ہم پی ٹی آئی سے آئی ایم ایف کو ہونے والے اس معاہدے کی تفصیلات پر جلد قوم کو اعتماد میں لیں گے۔

شہباز شریف نے کہا کہ انشاء اللہ ہم ان معاشی مشکلات سے نکلیں گے۔