اردو ورلڈ کینیڈا ( ویب نیوز )آسٹریلیا کی سابق خواتین کرکٹ کپتان لیزا سٹالکر فیڈریشن آف انٹرنیشنل کرکٹرز ایسوسی ایشن (FICA) کی صدر منتخب ہو گئیں۔

رپورٹس کے مطابق لیزا سٹالکر انٹرنیشنل کرکٹ کونسل کی پہلی خاتون صدر ہوں گی۔

فیکا کی سربراہی کا فیصلہ گزشتہ روز سوئٹزرلینڈ کے شہر نیون میں منعقدہ فیکا ایگزیکٹو کمیٹی کے اجلاس میں کیا گیا۔

واضح رہے کہ لیزا سٹالکر نے 187 میچوں میں آسٹریلوی خواتین ٹیم کی نمائندگی کی جب کہ وہ 2005 اور 2013 میں ون ڈے ورلڈ کپ اور 2010 اور 2012 میں ٹی ٹوئنٹی ورلڈ کپ جیتنے والی آسٹریلوی ٹیم کا حصہ تھیں۔