اردو ورلڈ کینیڈا ( ویب نیوز ) کندھ کوٹ میں جے یو آئی اور پیپلز پارٹی کے کارکنوں میں تصادم میں 37 افراد زخمی، ٹھل میں فائرنگ اور گھوٹکی میں خواتین نے ووٹ کاسٹ کی اجازت نہ دینے کے خلاف احتجاج کیا
جے یو آئی ف اور پیپلز پارٹی کے کارکن آمنے سامنے آگئے تیس کارکن زخمی اور متعدد گاڑیوں کو نقصان پہنچا
نوشہرو فیروز میں بیلٹ پیپرز پر پر تصادم ہوا۔ تھل کی یوسی 28 میں پی پی پی اور جے یو آئی کے کارکنوں میں فائرنگ کا تبادلہ ہوا جس سے سات افراد زخمی اور تین گاڑیوں کو نقصان پہنچا۔
نوابشاہ میں بیلٹ پیپرز سے تحریک لبیک کا نشان غائب ہونے پر تحریک کے کارکنان آپے سے باہر ہوگئے، ہنگامہ آرائی کے باعث پولنگ روکنا پڑی۔ رینجرز اور پولیس نے صورتحال کو سنبھال لیا۔
کشمور میں پولنگ سٹیشن پر پیپلز پارٹی اور جماعت اسلامی کے کارکنوں میں تصادم ہوا، جب کہ نواب شاہ میں پیپلز پارٹی کے امیدوار کا نشان مخالف امیدوار کو دیا گیا، پیپلز پارٹی کے امیدوار کا نشان جے ڈی اے کو دیا گیا۔ اسی طرح خیرپور میں آزاد امیدوار نے کارکنوں کے ہمراہ انتخابی نشان کی اچانک تبدیلی پر ڈی آر او اور پیپلز پارٹی کے خلاف احتجاج کیا۔
