140
پاکستان تحریک انصاف کے چیئرمین عمران خان کی سابق اہلیہ ریحام خان نے اپنے جہیز سے متعلق انکشاف کیا ہے۔
ریحام خان ان چند مشہور شخصیات میں سے ایک ہیں جو سوشل میڈیا پر کافی ایکٹو نظر آتی ہیں، اب ٹوئٹر پر ایک صارف نے ریحام خان سے ان کے حق مہر کے بارے میں سوال کیا۔
صارف نے سوال کیا کہ عمران خان نے آپ کے حق میں کیا لکھا؟ اور دیا بھی یا نہیں؟
صارف کے سوال پر ریحام نے جواب دیا کہ میں نے کچھ نہیں لکھا اور کچھ لیا نہیں۔
خیال رہے کہ سابق وزیراعظم عمران خان کی جنوری 2015 میں شادی کی تصدیق ہوئی تھی تاہم ان کی شادی کی خبریں اکتوبر 2014 سے سامنے آرہی تھیں۔
تاہم ریحام اور عمران کی شادی چند ماہ ہی چل سکی اور پھر ان کی طلاق ہو گئی۔
