ishtiaq ahmed 
اردو ورلڈ کینیڈا ( ویب نیوز)پاکستان ٹیسٹ اسکواڈ کا تربیتی کیمپ آج سے راولپنڈی میں شروع ہوگا جب کہ کوچز سری لنکن اسپن کا جادو توڑنے کی کوشش کریں گے۔
دورہ سری لنکا کی تیاریا ں آج سے شروع ہو جائیں گی۔ منتخب کرکٹرز نے گزشتہ روز اسلام آباد میں رپورٹ کیا، جن میں کپتان بابر اعظم، امام الحق، عبداللہ شفیق، فہیم اشرف، محمد نواز، سلمان علی آغا اور سعو د،شکیل، سرفراز احمد، شاہین شاہ آفریدی، حسن علی، نسیم شاہ، حارث رؤف، یاسر شاہ اور نعمان علی شامل ہیں۔
مڈل آرڈر بلے باز فواد عالم 27 جون کو جوائن کریں گے۔کاؤنٹی کرکٹ کھیلنے میں مصروف نائب کپتان محمد رضوان، اظہر علی اور شان مسعود تربیتی کیمپ میں شرکت نہیں کر رہے۔
پہلا 2 روزہ وارم اپ میچ پیر کی صبح 9 بجے شروع ہوگا، دوسرے روز کھلاڑی شام 6 بجے تک میچ پریکٹس سے فائدہ اٹھائیں گے، 29 جون کو آرام کا دن ہوگا، دوسرے وارم اپ کا پہلا دن صبح 9 بجے شروع ہوگا۔ میچ کا دوسرا دن یکم جولائی کو ہوگا۔پنڈی سٹیڈیم کی صفائی ستھرائی کا کام مکمل کر لیا گیا ہے۔ سری لنکا کی کنڈیشنز کے پیش نظر پنڈی سٹیڈیم میں خصوصی اسپن ٹریکس تیار کیے گئے ہیں
کینگروز کے خلاف سیریز میں پاکستان کا اسپن اٹیک بھی ہوم کنڈیشنز کا فائدہ اٹھانے میں ناکام رہا تھا
