Irfan 
وفاقی وزیر داخلہ رانا ثنا اللہ نے کہا ہے کہ عدالتی ضمانت کی مدت ختم ہونے پر عمران خان کے سیکیورٹی اہلکار انہیں گرفتار کر لیں گے۔
عمران خان کی بنی گالہ واپسی پر ردعمل کا اظہار کرتے ہوئے وزیر داخلہ رانا ثنا اللہ نے کہا کہ عمران نیازی کو قانون کے مطابق سیکیورٹی فراہم کی جارہی ہے۔
وزیر داخلہ نے کہا کہ عمران نیازی کو دو درجن سے زائد مقدمات میں ملزم نامزد کیا گیا ہے جن میں فسادات، بغاوت اور ملک میں افراتفری پھیلانا شامل ہیں۔
رانا ثنا اللہ نے کہا کہ عمران خان کی ضمانت ختم ہونے پر ان کے سیکیورٹی اہلکار انہیں گرفتار کر لیں گے۔
چیئرمین پی ٹی آئی پر تنقید کرتے ہوئے وزیر داخلہ کا کہنا تھا کہ ملک میں فساد کرنے والا اخلاقی اور جمہوری اقدار سے عاری ہے، جو شخص کبھی اپنے مخالفین کو غدار اور کبھی یزید کہتا ہے کیا وہ سربراہ ہوسکتا ہے؟ یہ پوری قوم کے لیے لمحہ فکریہ ہے۔
