اردو ورلڈ کینیڈا ( ویب نیوز)آسٹریلیا میں لیبر پارٹی سے سینیٹ کے لیے منتخب ہونے والی فاطمہ پیمان حجاب کی پہلی رکن بن گئیں
بین الاقوامی خبر رساں ادارے کے مطابق افغان نژاد 27 سالہ مسلمان خاتون فاطمہ پیمان مغربی آسٹریلیا سے سینیٹ کے لیے منتخب ہوئی ہیں۔ وہ آسٹریلوی پارلیمنٹ میں حجاب پہننے والی پہلی خاتون ہیں۔
فاطمہ پیمان نے کہا کہ مجھے اس نئی ذمہ داری کے لیے منتخب ہونے پر بہت فخر ہے۔ تارکین وطن اقلیتوں کے ساتھ ناروا سلوک اور انتہا پسندی کے خلاف اپنی جدوجہد جاری رکھیں گے۔
خیال رہے کہ فاطمہ پیمان 8 سال کی عمر میں اپنی والدہ اور 3 بہن بھائیوں کے ساتھ بطور تارک وطن آسٹریلیا پہنچی تھیں اور وہاں تعلیم حاصل کی تھی۔ بعد میں سیاسی جماعت لیبر پارٹی کا حصہ بن گئی۔
آسٹریلیا کے وزیراعظم انتھونی البنس اور نائب وزیراعظم پیٹرک گورمین نے بھی فاطمہ پیمن کے سینیٹ کی رکن بننے پر خوشی کا اظہار کیا ہے۔
فاطمہ پیمان لیبر پارٹی کے ایڈ ہوسک اور این ایل اے کے ساتھ پارٹی کی سینیٹ میں تین آسٹریلیائیوں میں سے ایک ہوں گی۔
