اردو ورلڈ کینیڈا ( ویب نیوز )پاکستان اور انٹرنیشنل مانیٹری فنڈ (آئی ایم ایف) ابھی تک توسیعی فنڈ سہولت (ای ایف ایف) کو بحال کرنے کے لیے عملے کی سطح کے معاہدے کے قریب نہیں پہنچ سکے ہیں قومی اسمبلی کو مالی سال 2013-14 کا تازہ ترین وفاقی بجٹ حاصل کرنے میں مشکلات کا سامنا ہے۔

رپورٹ کے مطابق، وزارت خزانہ کے حکام سے توقع کی گئی تھی کہ وہ اتوار (19 جون) تک عملے کی سطح کے معاہدے کو آمدنی اور اخراجات کے اقدامات کی بنیاد پر مکمل کر لیں گے۔

تاہم، آئی ایم ایف کے عملے کو اب بھی 95 کھرب روپے سے زائد خرچ کرنے پر تحفظات ہیں، جنہیں حکام نے اگلے مالی سال کے لیے مختص کر دیا ہے۔

آئی ایم ایف کے تخمینوں کے مطابق، بجٹ میں ریونیو کے اقدامات بھی ہدف کو پورا کرنے کے لیے ناکافی ہیں

وزارت خزانہ کے ایک سینئر اہلکار نے تصدیق کی کہ انہیں ابھی تک آئی ایم ایف سے اقتصادی اور مانیٹری پالیسی میمورنڈم کا پہلا مسودہ موصول نہیں ہوا ہے کیونکہ کچھ مسائل حل طلب ہیں۔ انہوں نے کہا کہ وہ کام کر رہے ہیں اور جلد ہی کسی نتیجے پر پہنچ جائیں گے۔

وزارت خزانہ کے پروگرام شیڈول کے مطابق حکومت کا مقصد 2023-22 کا بجٹ 28-27 جون کو قومی اسمبلی سے منظور کروانا ہے۔

تاہم بجٹ کی منظوری کے لیے اسے آئی ایم ایف کے ساتھ معاہدہ کرنا ہو گا تاکہ بجٹ میں طے شدہ اقدامات کو محفوظ رکھا جا سکے۔ 2

ذاتی انکم ٹیکس سلیب اور شرحوں پر دونوں فریقوں کی تقسیم کے بعد، وفاقی حکام کو ایک اور دھچکا اس وقت لگا جب صوبوں نے اپنے بجٹ پیش کیے، جو مجموعی گھریلو پیداوار (جی ڈی پی) کا تقریباً ایک فیصد بنتا ہے