ان کا کہنا تھا کہ واشنگٹن اور تل ابیب کے درمیان تعلقات انتہائی مضبوط ہیں اور یہ تعلقات مستقبل میں بھی قائم رہیں گے۔مارکو روبیو کے مطابق قطر پر اسرائیلی حملے کے واقعے نے دنیا کے کئی ممالک کو تشویش میں مبت

لا کر دیا ہے، اور امریکہ بھی اس حوالے سے ہونے والے اجلاس میں شریک نہ ہونے کا فیصلہ کر چکا ہے۔ انہوں نے کہا کہ صدر ٹرمپ اس وقت یرغمالیوں کی رہائی اور خطے میں جاری تنازع کے خاتمے پر زور دے رہے ہیں تاکہ اگلے مرحلے میں غزہ کی تعمیر نو اور وہاں سکیورٹی کی فراہمی ممکن بنائی جا سکے۔امریکی وزیر خارجہ نے یہ بھی کہا کہ وہ قطر پر حملے کے اثرات پر اسرائیلی وزیراعظم سے براہِ راست گفتگو کریں گے، تاہم انہوں نے غزہ پر اسرائیلی حملے کی امریکی حمایت سے متعلق سوال کا واضح جواب دینے سے گریز کیا۔مارکو روبیو نے مزید کہا کہ جن ممالک نے فلسطینی ریاست کو تسلیم کیا تھا انہیں پہلے ہی خبردار کیا گیا تھا، اور اسرائیل کا یہ سخت ردعمل انہی فیصلوں کا نتیجہ ہے۔