ishtiaq ahmed 
اردو ورلڈ کینیڈا (ویب نیوز )سندھ کے کسی بڑے ضلع کی سینٹرل جیل ہے یا پرتعیش رہائشی سوسائٹی، قانون نافذ کرنے والے اداروں نے کارروائی کے دوران جیل کی بیرکوں میں نصب 1000 سے زائد موبائل فونز اور 100 سے زائد ایئر کنڈیشنر اور دیگر قیمتی سامان برآمد کیا۔
ذرائع کے مطابق لاڑکانہ سینٹرل جیل میں شروع کیا گیا سرچ آپریشن مکمل کر لیا گیا ہے۔ اس کی تکمیل کے بعد سنسنی خیز اور حیران کن انکشافات سامنے آئے ہیں۔
ذرائع کا کہنا ہے کہ آپریشن کے نتیجے میں لاڑکانہ سینٹرل جیل سے ایک ہزار سے زائد مختلف اقسام کے موبائل فونز، ایک سو ایئر کنڈیشنر اور سینکڑوں برتن تیار کیے گئے۔
جیل سپرنٹنڈنٹ اشفاق کلہور کے مطابق سرچ آپریشن کے دوران 100 سے زائد ایئر کولرز سمیت درجنوں ٹی وی سیٹ اور سی ڈیز بھی برآمد کی گئیں۔
حکام کے مطابق آپریشن کے دوران ایک ہزار سے زائد قیدیوں کو صوبے کی دیگر جیلوں میں منتقل کیا گیا ہے۔ سرچ آپریشن میں ایک ہزار سے زائد لوہے کی سلاخیں بھی برآمد ہوئی ہیں جو قیدیوں نے آپس میں لڑنے کے لیے جمع کی تھیں۔
ذرائع کا کہنا ہے کہ قیدی جیل کے اندر مختلف علاقوں میں موبائل فون کے ذریعے رابطے کرکے وارداتیں کرنے میں بھی ملوث تھے۔
جیل سپرنٹنڈنٹ کے مطابق قیدیوں کو لاڑکانہ ڈسٹرکٹ جیل، سکھر، خیرپور، حیدرآباد اور کراچی کی جیلوں میں منتقل کیا گیا ہے جب کہ جیل کی بیرکیں خستہ حال ہیں۔
سینٹرل جیل کی مرمت میں 4 سے 5 ماہ کا عرصہ درکار ہے۔ دوسری جانب صوبائی مشیر برائے جیل خانہ جات اعجاز جاکھرانی نے بھی لاڑکانہ سینٹرل جیل کا دورہ کیا۔
