اردو ورلڈ کینیڈا ( ویب نیوز)میڈیا رپورٹس کے مطابق کل سے اگلے چھ روز تک لاکھوں لوگوں کو ٹرین میں سفر کرنے میں مشکلات کا سامنا کرنا پڑے گا، ہڑتال منگل، جمعرات اور ہفتہ کو ہو گی۔
ہڑتال ختم کرانے کے لیے ٹریڈ یونینز اور ریلوے حکام کے درمیان مذاکرات جاری ہیں۔ زیر زمین ٹرین سروس بھی منگل کو ہڑتال پر رہے گی جس سے سڑکوں پر شدید ٹریفک جام ہو سکتا ہے۔
رپورٹس کے مطابق ٹرانسپورٹ فار لندن نے مسافروں کو پیدل یا سائیکل پر سفر کرنے کا مشورہ دیا ہے۔ آر ایم ٹی یونین نے ملازمین کی برطرفی کے خلاف ہڑتال کرنے کا فیصلہ کیا ہے۔
میڈیا رپورٹس کے مطابق ہڑتال کے دوران 20 ہزار سے زائد کی بجائے صرف 4500 سروسز فراہم کی گئیں۔
ہڑتال کے اعلان کے بعد نیٹ ورک ریل نے 20 سے 26 جون تک نیا ٹائم ٹیبل جاری کیا ہے۔ ہڑتال کے دن ٹرین صبح 7:30 سے شام 6:30 تک چلے گی۔
ریلوے ملازمین کا کہنا ہے کہ مہنگائی چار دہائیوں کی بلند ترین سطح پر پہنچ گئی ہے اور اس پر جینا مشکل ہو گیا ہے۔
,
