ishtiaq ahmed 
499
اردو ورلڈ کینیڈا ( ویب نیوز )وزیراعظم شہباز شریف نے کہا کہ پڑوسی ممالک سے اچھے تعلقات چاہتے ہیں لیکن پاکستان کی امن کی خواہش کو کمزوری نہ سمجھا جائے۔
کراچی میں نیول اکیڈمی میں پاسنگ آ ئوٹ پریڈ سے خطاب کرتے ہوئے وزیراعظم نے کہا کہ آج پریڈ میں خواتین کیڈٹس کی شرکت دیکھ کر خوشی ہوئی۔ خواتین کیڈٹس پاکستان میں دیگر خواتین کے لیے مشعل راہ ہیں۔
انہوں نے کہا کہ پیشہ ورانہ امور میں بہتر کارکردگی پاکستان نیوی کی روایت رہی ہے، نیول اکیڈمی دوست ممالک کے کیڈٹس کو بہترین تربیت بھی فراہم کر رہی ہے
وزیراعظم نے کہا کہ سمندری سرحدوں کے تحفظ میں پاک بحریہ کا اہم کردار ہے اور ملکی دفاع کو مضبوط بنانے پر قوم کو مسلح افواج پر فخر ہے۔
شہباز شریف نے کہا کہ ہم پڑوسی ممالک سے اچھے تعلقات چاہتے ہیں لیکن پاکستان کی امن کی خواہش کو کمزوری نہ سمجھا جائے۔
