ishtiaq ahmed 
حکومتی ذرائع کا کہنا ہے کہ پنجاب اسمبلی میں بجٹ پیش نہیں کیا جاسکا جس کے بعد اب بجٹ اجلاس وزیراعلیٰ ہاؤس یا نجی ہوٹل میں ہوگا۔
دن ایک بجے طلب کیا گیا پنجاب اسمبلی کا بجٹ اجلاس تاحال شروع نہیں ہوا۔ وزیر اعلیٰ پنجاب حمزہ شہباز نے آج ہر صورت بجٹ پیش کرنے کا اعلان کرتے ہوئے کہا ہے کہ کھلواڑ کا بندوبست کریں گے، اب یہ تماشا نہیں چلے گا۔
دوسری جانب اپوزیشن اور سپیکر پرویز الٰہی نے اجلاس سے قبل آئی جی پنجاب اور سیکرٹری داخلہ کو اسمبلی میں طلب کرنے پر اصرار کیا۔ پرویز الٰہی کا کہنا ہے کہ آئین کے تحت کسی کو بھی طلب کرنے کا حق ہے، معافی مانگنا پڑے گی۔
حکومتی ذرائع کا کہنا ہے کہ اپوزیشن کی ضد کی وجہ سے ہم عوامی بجٹ کو نہیں روک سکتے۔ بجٹ ہر حال میں پیش کریں گے۔ بجٹ اجلاس ڈپٹی سپیکر دوست محمد مزاری کی زیر صدارت ہوگا۔
ذرائع کے مطابق حکمران اتحاد نے این ایل پی کو بجٹ پیش کرنے کا اختیار دے دیا ہے۔ بجٹ اجلاس وزیراعلیٰ ہاؤس یا نجی ہوٹل میں منعقد کرنے کا فیصلہ قانونی ماہرین سے مشاورت کے بعد کیا گیا۔
ذرائع کا کہنا ہے کہ یہ فیصلہ اپوزیشن کے ہٹ دھرمی کے باعث کیا گیا۔
