بھارت میں تفتیشی افسران نے پنجابی گلوکار سادھو موسی والا کے قتل کا مقدمہ رسید کی مدد سے حل کرتے ہوئے مرکزی ملزم سمیت 10 افراد کو گرفتار کر لیا۔

این ڈی ٹی وی کے مطابق پولیس نے گلوکار کے قتل میں استعمال ہونے والی کار سے ملنے والی رسید سے گینگسٹر لارنس بشنوئی سمیت 10 مشتبہ افراد کو گرفتار کیا اور جرم میں ملوث چار شوٹروں کی شناخت کی۔

پولیس کو بعد میں جرم میں استعمال ہونے والی تمام گاڑیاں مل گئیں۔ پولیس نے قتل کے ماسٹر مائنڈ سمیت علاقائی مدد فراہم کرنے والے تمام افراد کو بھی گرفتار کر لیا۔

خیال رہے کہ سادھو موسی والا کو 29 مئی کو نامعلوم مسلح افراد نے قتل کردیا تھا، جس کی ذمہ داری گینگ کے سرغنہ لارنس باشوئی نے قبول کی تھی۔