Irfan 
اسلام آباد میں ایک تقریب سے خطاب کرتے ہوئے عمران خان نے کہا کہ موجودہ حکومت اگلے الیکشن جیتنے کی تیاری کر رہی ہے۔
انہوں نے کہا کہ ہماری حکومت کو عالمی سازش سے ہٹایا گیا ہے، امریکا کے پالتو اوپر آگئے ہیں، ان کی اجازت کے بغیر وہ کبھی کوئی کام نہیں کریں گے، ان کے اربوں روپے باہر ہیں، ان کے خلاف کبھی سٹینڈ نہیں لیں گے۔ میری حکومت ختم ہوتے ہی اسرائیل اور ہندوستان میں خوشی کی لہر دوڑ گئی۔ ہمارے خلاف سازش کرنے والے فوج کو کمزور کرنا چاہتے ہیں۔
عمران خان نے کہا کہ جب پیٹرول کی قیمت چار روپے بڑھی تو بلاول لانگ مارچ پر نکلے، جب کہ آج قیمت 30 روپے بڑھ رہی ہے۔ ان کا مقصد مہنگائی ختم کرنا نہیں تھا بلکہ انہو ں نے اپنےکرپشن کیسز کو ختم کرنا تھا۔
عمران خان کا مزید کہنا تھا کہ چند روز میں ملک گیر احتجاج کی کال دوں گا، جو ملکی تاریخ کا سب سے بڑا احتجاج ہوگا۔ عوام کو تیار رہنا چاہیے۔
