حکومت کو کوئی ایک ڈالر بھی دینے کو تیار نہیں،امداد فوج کی وجہ سے ملی ، شیخ رشید

576

سابق وزیر داخلہ شیخ رشید نے کہا ہے کہ موجودہ حکومت کو کوئی ایک ڈالر دینے کو تیار نہیں

پی ٹی آئی لانگ مارچ کے دوران توڑ پھوڑ سے متعلق کیس میں ضمانت کے لیے عدالت میں پیشی کے موقع پر میڈیا سے گفتگو کرتے ہوئے شیخ رشید نے کہا کہ ان لوگوں نے میرے خلاف 25 تھانوں میں درخواستیں دی ہیں، 2 کی ضمانتیں ہو چکی ہیں۔

مخلوط حکومت پر تنقید کرتے ہوئے شیخ رشید کا کہنا تھا کہ یہ لوگ چین سے امداد لینے کا واویلا کررہے ہیں، حکومت ایک ڈالر دینے کو تیار نہیں، امداد پاک فوج کی وجہ سے ملی ہے۔

شیخ رشید نے کہا کہ لاہور اور فیصل آباد کے ضمنی انتخابات میں فیصلہ عوام نے کرنا ہے۔

انہوں نے کہا کہ عوام کی اکثریت حکومت سے جان چھڑانا چاہتی ہے۔