اردو ورلڈ کینیڈا ( ویب نیوز )کراچی کے مختلف علاقوں میں غیراعلانیہ لوڈشیڈنگ نے عوام کے صبر کا پیمانہ لبریز کردیا۔ ماڑی پور روڈ پر 20 گھنٹے طویل احتجاج کے باعث سڑکیں ٹریفک کے لیے بند کر دی گئیں۔

کراچی میں گرمی کی شدت میں اضافے کے ساتھ ہوا میں نمی کا تناسب بھی 65 فیصد تک پہنچ گیا۔ کئی علاقوں میں بجلی کی طویل بندش نے شہریوں کے صبر کا پیمانہ لبریز کر دیا۔ طویل لوڈشیڈنگ کے خلاف ماڑی پوڈ روڈ، آئی سی آئی پل، ایم ٹی خان روڈ اور نشتر روڈ سمیت دیگر مقامات پر احتجاج کے باعث ٹریفک کی روانی بری طرح متاثر ہوئی۔

مظاہرین نے کے الیکٹرک کے خلاف پلے کارڈز بھی اٹھا رکھے تھے جن پر لکھا تھا کہ کے الیکٹرک کی جانب سے شکایات سننے کے باوجود کوئی شنوائی نہیں ہوئی۔
عوام کا موقف ہے کہ کے الیکٹرک حکام یا وزیراعلیٰ سے مذاکرات تک مظاہرہ ختم نہیں ہوگا۔