ایران کی سپریم نیشنل سیکیورٹی کونسل کے سیکریٹری علی لاریجانی نے اپنے بیان میں کہا کہ محض تقریروں اور جلسوں سے اسرائیلی حکومت کو کوئی نقصان نہیں پہنچے گا۔علی لاریجانی نے واضح کیا کہ بغیر کسی عملی اقدام کے فلسطین کے مظلوموں کے حق میں آواز اٹھانا بے اثر ثابت ہوگا۔انہوں نے مزید کہا کہ مسلمانوں کو کم از کم اپنے دفاع کے لیے موثر فیصلہ کرنا چاہیے ورنہ اسرائیلی حکومت نہ صرف فلسطینی عوام بلکہ پورے خطے کے امن کو خطرے میں ڈال دے گی۔لاری جانی نے مسلم ممالک سے مطالبہ کیا کہ وہ اسرائیل کے خلاف مشترکہ آپریشن روم تشکیل دیں جو صیہونی حکومت کے سرپرستوں کو مشتعل کرنے کے لیے کافی ہوگا۔

ان کے بقول یہ ایک مثبت قدم ہو گا جو نہ صرف فلسطینی عوام کے لیے کچھ کرے گا بلکہ مسلم ممالک کو اپنی خودمختاری اور سلامتی کے تحفظ کے لیے موثر حکمت عملی بھی فراہم کرے گا۔