اردو ورلڈ کینیڈا ( ویب نیوز)سابق وزیراعظم اور پاکستان تحریک انصاف کے چیئرمین عمران خان نے کہا ہے کہ میں نے نیوٹرلز کو سمجھایا ہے کہ سازش کی جارہی ہے اور اگر حکومت گرائی گئی تو آنے والوں کی پرواہ نہیں ہوگی۔
سابق وزیراعظم کا کہنا تھا کہ آج ہماری معیشت خطرے میں ہے، موڈیز نے پاکستان کو ڈاون گریڈ کر دیا ہے، ڈر لگتا ہے کہ سری لنکا جہاں پہنچ چکا ہے وہ ملک پہنچ جائے گا۔
انہوں نے کہا کہ امریکہ کی طرف سے سازش ہوئی اور یہیں سے میر جعفر اور میر صادق ان سے ملے
عمران خان نے کہا کہ اگر یہ حکمران ملک پر مسلط رہے تو اداروں کو دفن کر دیں گے۔
سابق وزیراعظم نے کہا کہ ہمیں ایف اے ٹی ایف قانون کی منظوری پر بلیک میل کیا گیا، امید ہے پاکستان کا نام گرے لسٹ سے نکال دیا جائے گا
انہوں نے کہا کہ مفتاح اسماعیل نے امریکی سفیر سے کہا تھا کہ ہمیں سکون ملا، میں مفتاح اور شہباز کو بتانا چاہتا ہوں کہ امریکیوں کی نظر میں ہر چیز کی قدر ہوتی ہے، امریکا ہماری حقیقی آزادی کی قیمت چکائے گا۔
واضح رہے کہ عمران خان کی کال پر ملک کے مختلف شہروں میں پی ٹی آئی کارکنوں نے مہنگائی کے خلاف احتجاجی مظاہرے کئے۔
