92
اردو ورلڈ کینیڈا ( ویب نیوز)وزیر اعظم جسٹن ٹروڈو نے امریکہ کو تنقید کا نشانہ بنایا اور کہا کہ سپریم کورٹ کا یہ فیصلہ خوفناک ہے
اپنے ٹویٹ میں انہوں نے کہا کہ امریکہ سے آنے والی خبریں خوفناک ہیں میرا دل ان لاکھوں امریکی خواتین کی طرف جاتا ہے جو اب اسقاط حمل کے اپنے قانونی حق سے محروم ہونے کو تیار ہیں۔ میں اس خوف اور غصے کا تصور نہیں کر سکتا جو آپ ابھی محسوس کر رہے ہیں
انہوں نے کہا کہ کسی بھی حکومت، سیاست دان یا مرد کو کسی عورت کو یہ نہیں بتانا چاہیے کہ وہ اپنے جسم کے ساتھ کیا کر سکتی ہے اور کیا نہیں کر سکتی۔ میں کینیڈا میں خواتین کو بتانا چاہتا ہوں کے ہم آپ کے حق کے لئے کھڑے ہیں اور کھڑے رہیں گے
یاد رہے کہ امریکہ کی سپریم کورٹ نے اپنے ہی سالوں پہلے کے ایک فیصلے کو کالعدم قرار دیتے ہوئے خواتین کے اسقاط حمل کا حق ختم کردیا ہے۔
