اردو ورلڈ کینیڈا ( ویب نیوز )انٹربینک مارکیٹ میں امریکی ڈالر ریورس گیئر پر چلا گیا ہے جس کے بعد ڈالر کے مقابلے روپے کی قدر میں اضافہ ہورہا ہے۔
بدھ کو تجارت کے آغاز پر، امریکی ڈالر کے مقابلے روپے میں بہتری دیکھی گئی اور گرین بیک کم رہا۔
انٹربینک کاروبار کے دوران ڈالر کی قدر میں 11 روپے 38 پیسے کی کمی ہوئی اور انٹر بینک میں ایک ڈالر 227 روپے تک پہنچ گیا۔
اسی طرح اوپن مارکیٹ میں ڈالر کی قدر میں تیزی سے کمی اور روپیہ کمزور ہونے سے اوپن مارکیٹ میں ڈالر 10 روپے 229 روپے سستا ہوگیا۔
چند روز سے انٹربینک مارکیٹ میں ڈالر کی قدر میں کمی کا سلسلہ جاری ہے اور گزشتہ روز انٹربینک میں کاروبار کے اختتام پر ڈالر کی قیمت 46 پیسے کمی سے 238 روپے 38 پیسے ہوگئی۔
اس سے قبل انٹربینک مارکیٹ میں ڈالر کی اونچی اڑان جاری رہی اور ایک ڈالر کی قیمت 240 روپے تک پہنچ گئی۔
معاشی تجزیہ کار محمد سہیل نے کہا کہ آئی ایم ایف کے بورڈ اجلاس کے اعلان کے بعد صورتحال بہتر ہوئی ہے اور ڈالر نیچے آیا ہے۔
اقتصادی تجزیہ کار خرم شہزاد نے کہا کہ آئی ایم ایف بورڈ اجلاس کی وجہ سے غیر یقینی صورتحال تھی۔ ملاقات کی تاریخ ایک بڑی پیشرفت ہے۔ بورڈ میٹنگ کے بعد 1.2 ارب ڈالر آئیں گے جس کے بعد تمام دوست ممالک سمیت دیگر بینک آئیں گے پیسے دیں گے۔
انہوں نے کہا کہ آئندہ دو تین ماہ میں ہمارے پاس مزید ڈالر ہوں گے
