قومی کرکٹ ٹیم کے کپتان بابر اعظم کے بعد اوپنر امام الحق نے بھی ون ڈے رینکنگ میں سابق بھارتی کپتان ویرات کوہلی کو پیچھے چھوڑ دیا۔
انٹرنیشنل کرکٹ کونسل (آئی سی سی) کی جانب سے جاری کردہ تازہ ترین رینکنگ کے مطابق جو روٹ ٹیسٹ میں انگلینڈ کا نمبر ون جب کہ ون ڈے اور ٹی ٹوئنٹی میں قومی ٹیم کے کپتان بابر اعظم کا راج برقرار ہے۔
آسٹریلیا کے مارنوس لابوشین ٹیسٹ رینکنگ میں ایک درجہ تنزلی سے دوسرے نمبر پر آگئے ہیں جب کہ انگلش بلے باز جو روٹ پہلے نمبر پر آگئے ہیں۔ آسٹریلیا کے سٹیو سمتھ تیسرے اور پاکستان کے کپتان بابر اعظم چوتھے نمبر پر ہیں۔
طویل عرصے سے دنیا پر راج کرنے والے ویرات کوہلی بدستور 10ویں نمبر پر ہیں۔
بولرز کی رینکنگ میں آسٹریلوی کپتان پیٹ کمنز پہلے، بھارتی اسپنر ایشون دوسرے، بہمارا تیسرے اور شاہین شاہ آفریدی ایک درجے کی چھلانگ لگا کر چوتھے نمبر پر ہیں۔
دوسری جانب قومی ٹیم کے اوپنر امام الحق نے ون ڈے رینکنگ میں دوسری پوزیشن چھین کر سابق بھارتی کپتان ویرات کوہلی کو پیچھے چھوڑ دیا ہے جب کہ ٹرینٹ بولٹ بدستور بولرز کی رینکنگ میں پہلے نمبر پر ہیں جب کہ شاہین شاہ آفریدی بدستور چوتھے نمبر پر ہیں۔
واضح رہے کہ ٹی ٹوئنٹی رینکنگ میں کوئی بھی پاکستانی باؤلر ٹاپ 10 میں شامل نہیں ہے۔
