اردوورلڈ کینیڈا( ویب نیوز )آئندہ مالی سال کے بجٹ میں 700 ارب سے زائد کے نئے ٹیکس لگائے جائیں گے، آئی ایم ایف کی مشاورت سے ایف بی آر کے لیے آئندہ مالی سال کے لیے 9200 ارب کا ہدف مقرر کیا گیا ہے۔

ایف بی آر آئندہ مالی سال میں رواں مالی سال کے مقابلے میں 1900 ارب مزید جمع کرے گا، میوچل فنڈز، نان فائلرز کے لیے حقیقی سرمایہ کاری ٹرسٹ پر 30 فیصد سے زائد ٹیکس لگانے کا فیصلہ کیا گیا ہے۔

فنانس بل تیار کر لیا گیا جس کے مطابق بجٹ میں امپورٹڈ لگژری اشیا پر ود ہولڈنگ ٹیکس میں اضافہ کیا جائے گا، پراپرٹی سیکٹر میں لین دین کرنے والے نان فائلرز کے لیے ود ہولڈنگ ٹیکس دگنا کرنے کا فیصلہ کیا گیا ہے۔

اسی طرح نان فائلرز کے لیے پرائز بانڈز کی خرید و فروخت پر ود ہولڈنگ ٹیکس بڑھایا جائے گا، نان فائلرز کے لیے پلاٹوں کی خرید و فروخت پر ود ہولڈنگ ٹیکس دگنا کر دیا جائے گا۔