13
اردو ورلڈ کینیڈا ( ویب نیوز ) تنہائی محض ایک وقتی کیفیت نہیں بلکہ ایسا سنگین مسئلہ ہے جو وقت کے ساتھ ساتھ انسانی ذہن، جذبات اور جسم پر منفی اثرات مرتب کر سکتا ہے۔
حالیہ تحقیق سے ظاہر ہوا ہے کہ اگر کوئی شخص طویل مدت تک تنہائی کا سامنا کرے تو اس کے جسمانی و ذہنی نظام میں بڑی تبدیلیاں آ سکتی ہیں، جو بعض اوقات خطرناک بیماریوں کی صورت اختیار کر لیتی ہیں۔
ذہنی صحت پر اثرات
1 اداسی اور مایوسی :
مسلسل تنہا رہنے والے افراد میں اداسی، دل شکستگی اور خود اعتمادی میں کمی جیسے علامات عام ہو جاتے ہیں، جو بالآخر ڈپریشن کی صورت اختیار کر سکتے ہیں۔
2. شدید ذہنی دباؤ
ایسے افراد معمولی مسائل پر بھی زیادہ دباؤ محسوس کرتے ہیں۔ ان کے جسم میں تناؤ پیدا کرنے والے ہارمون جیسے کورٹیسول کی سطح مسلسل بلند رہتی ہے۔
3. یادداشت اور ذہنی کارکردگی میں کمی
تنہائی دماغ کے اُن حصوں کو متاثر کر سکتی ہے جو سوچنے، سیکھنے اور فیصلہ کرنے سے متعلق ہوتے ہیں۔
4. دماغی امراض کا خطرہ
تحقیق سے یہ بھی پتا چلا ہے کہ طویل تنہائی الزائمر یا ڈیمنشیا جیسے دماغی مسائل کے خطرے کو 40 سے 60 فیصد تک بڑھا سکتی ہے۔
جسمانی صحت پر اثرات
1. دل کی صحت متاثر :
ماہرین کے مطابق تنہائی دل کی صحت پر ویسا ہی برا اثر ڈال سکتی ہے جیسا کہ تمباکو نوشی یا موٹاپا۔ اس سے فشار خون میں اضافہ اور دل کی دھڑکن میں بے ترتیبی پیدا ہو سکتی ہے۔
2. مدافعتی نظام کی کمزوری :
تنہا رہنے والے افراد کی قوتِ مدافعت کمزور ہو جاتی ہے، جس کے نتیجے میں وہ بیماریوں کا آسانی سے شکار بن سکتے ہیں۔
3. نیند کے مسائل
: ایسے افراد گہری نیند نہیں لے پاتے، بار بار جاگتے ہیں، اور ان کی نیند کا دورانیہ غیر مستحکم ہو جاتا ہے۔
4. غیر فعال طرزِ زندگی :
تنہائی میں مبتلا افراد اکثر جسمانی سرگرمیوں سے دور ہو جاتے ہیں، ورزش کم کرتے ہیں اور غیر متوازن غذا کا رجحان بڑھ جاتا ہے۔
