عالمی شہرت یافتہ مقرر اور اسکالر ڈاکٹر ذاکر نائیک نے یوگنڈا کے جنجا علاقے میں دریائے نیل کے کنارے ایک سیاحتی مقام پر 165 فٹ (50 میٹر) سے زیادہ کی بلندی سے چھلانگ لگانے کا مظاہرہ کیا۔ڈاکٹر ذاکر نائیک  نے تمام حفاظتی احتیاطی تدابیر اور پیشہ ورانہ نگرانی کے ساتھ اس مشکل ترین تفریحی مہم کو کامیابی سے مکمل کیا۔سوشل میڈیا پر شیئر کی گئی تصاویر میں ڈاکٹر ذاکر نائیک کو اس دل دہلا دینے والی جنگ کی تیاری کرتے، خطرناک چھلانگ لگاتے اور دریائے نیل کے بہتے پانی کے اوپر ہوا میں معلق دیکھا جا سکتا ہے۔یاد رہے کہ یوگنڈا کے شہر جنجا کو مشرقی افریقہ کا ایڈونچر کیپیٹل بھی کہا جاتا ہے جہاں بنجی جمپنگ، وائٹ واٹر رافٹنگ اور دیگر چیلنجنگ کھیل کھیلے جاتے ہیں۔ڈاکٹر ذاکر نائیک نے یوگنڈا کے لوکالو علاقے میں زیبرا اور امپالاس سمیت مختلف جانوروں کو دیکھا اور ان کے ساتھ وقت گزارا۔