جنرل (ر) وید پرکاش ملک نے بیان دیا کہ آپریشن سندور کے دوران دونوں ممالک نے ایک دوسرے کی سرحد عبور نہیں کی، کیونکہ دونوں کے پاس جدید سٹینڈ آف ویپنز  موجود ہیں جو دور بیٹھ کر کارروائی کی سہولت فراہم کرتے ہیں۔انہوں نے کہا کہ اگرچہ دونوں ممالک نے ٹیکنالوجی اور ہتھیاروں میں ترقی کی ہے، پاکستان کے پاس بھارت کے مقابلے میں بہتر ہتھیار اور جدید سازوسامان موجود ہیں۔ ان کا کہنا تھا کہ رافیل طیاروں اور ایس-400 دفاعی نظام کی تباہی پاکستان کی عسکری برتری کا واضح ثبوت ہے۔

جنرل ملک نے بھارت کو مشورہ دیا کہ فوجی تیاریوں، جدید سازوسامان اور ٹیکنالوجی میں بہتری لائی جائے تاکہ مستقبل میں کسی بھی ممکنہ کارروائی کا مؤثر جواب دیا جا سکے۔انہوں نے یہ بھی واضح کیا کہ جدید جنگیں اب روایتی انداز کی بجائے ٹیکنالوجی اور جدید ہتھیاروں پر منحصر ہیں، اور اس شعبے میں بہتری وقت کی اہم ضرورت ہے۔