پیپلز پارٹی کے سینیٹر سکندر میندھرو انتقال کر گئے

577

 

سندھ حکومت کے ذرائع نے ڈاکٹر سکندر میندھرو کے انتقال کی تصدیق کر دی ہے۔

ذرائع کا کہنا ہے کہ ڈاکٹر سکندر میندھرو کینسر کے مرض میں مبتلا تھے اور بیرون ملک زیر علاج تھے۔

پارٹی ذرائع کا کہنا ہے کہ سکندر میندھرو دو ماہ سے امریکی اسپتال میں زیر علاج تھے جب کہ ان کے اہل خانہ کا کہنا ہے کہ ان کی میت پاکستان لائی جائے گی۔
78 سالہ سینیٹر سکندر میندھرو 7 جولائی 1943 کو پیدا ہوئے، ان کا تعلق سندھ کے ضلع بدین سے تھا۔ وہ 2013 سے 2018 تک سندھ اسمبلی کے رکن بھی رہے اور وزیر صحت کا قلمدان بھی اپنے پاس رکھا۔