اردو ورلڈ کینیڈا ( ویب نیوز)پاکستان تحریک انصاف (پی ٹی آئی) کو بڑا اپ سیٹ کرتے ہوئے پاکستان پیپلز پارٹی (پی پی پی) کے امیدوار علی موسیٰ گیلانی اتوار کو این اے 157 ملتان کے ضمنی انتخاب میں کامیاب ہو گئے۔
غیر سرکاری اطلاعات کے مطابق پیپلز پارٹی کے امیدوار اور سابق وزیراعظم یوسف رضا گیلانی کے صاحبزادے علی موسیٰ گیلانی 10 ہزار 7327 ووٹ لے کر کامیاب ہوئے۔
دوسری جانب ان کی مدمقابل سابق وزیر خارجہ اور پاکستان تحریک انصاف (پی ٹی آئی) کے وائس چیئرمین شاہ محمود قریشی کی صاحبزادی مہربانو قریشی صرف 82 ہزار 141 ووٹ حاصل کر سکیں۔
یاد رہے کہ علی موسیٰ گیلانی اس سے قبل 2012 میں پاکستان پیپلز پارٹی کی سابق وفاقی حکومت میں ہونے والے ضمنی انتخاب میں کامیاب ہوئے تھے، بعد ازاں پنجاب میں ہونے والے ضمنی انتخابات کے لیے زین قریشی نے مذکورہ نشست چھوڑ کر صوبائی اسمبلی پر الیکشن لڑا تھا۔ جس پر انہوں نے مسلم لیگ ن کے امیدوار کو شکست دی۔
