اردوورلڈ کینیڈا( ویب نیوز)پی ٹی آئی کے رہنما اور سینئر قانون دان بابر اعوان کا کہنا ہے کہ پی ٹی آئی کے بانی عمران خان کسی سے معاملہ نہیں کریں گے اور نہ ہی باہر جائیں گے، ہم نے یہ جنگ عوام کے ووٹ سے جیتی ہے۔

پی ٹی آئی کے رہنما اور سینئر قانون دان بابر اعوان نے اسلام آباد ہائی کورٹ میں میڈیا سے بات کرتے ہوئے کہا کہ 24 نومبر کا احتجاج حتمی احتجاج ہے، پاکستان کے آئین کے مطابق ہر شہری کو اپنے مطالبات کے ساتھ سڑکوں پر آنے کا حق ہے۔.

انہوں نے کہا کہ ہر شہری کو احتجاجی ریلی نکالنے کا حق ہے، ہر جماعت دستور ہائی وے پر احتجاجی ریلی نکال سکتی ہے، سرکاری ملازمین کا کہنا ہے کہ وہ کسی کو اسلام آباد میں داخل ہونے کی اجازت نہیں دیں گے، میں سرکاری ملازمین کو مشورہ دیتا ہوں کہ وہ اپنا کام کریں۔

پی ٹی آئی لیڈر نے کہا کہ ڈکیتی ہو رہی ہے اور دیگر جرائم ہو رہے ہیں لیکن وہ وہاں توجہ نہیں دے رہے ہیں۔

بابر اعوان نے کہا کہ میں تحریک انصاف کے کارکنوں اور تنظیموں سے کہنا چاہتا ہوں کہ ہم اپنے حقوق کسی کے حوالے نہیں کریں گے،۔