اردوورلڈ کینیڈا( ویب نیوز)سابق وزیر اعظم عمران خان نے ایک بار پھر بیرون ملک مقیم پاکستانیوں سے ترسیلات زر کے بائیکاٹ کے اپنے مطالبے کا اعادہ کیا ہے۔

عمران خان نے بیرون ملک مقیم پاکستانیوں سے ترسیلات زر بھیجنے کے بائیکاٹ کے اپنے مطالبے کا اعادہ کیا۔

عمران خان کے ایکس پیغام میں کہا گیا ہے کہ میں ایک بار پھر بیرون ملک مقیم پاکستانیوں پر زور دیتا ہوں کہ وہ ترسیلات زر کا بائیکاٹ جاری رکھیں۔

انہوں نے مزید لکھا کہ ترسیلات زر بھیجنے سے حکومت مضبوط ہو جائے گی بائیکاٹ مہم حکومت کو مشکل میں ڈال دے گا

عمران خان کی جانب سے یہ اپیل ایسے وقت میں سامنے آئی ہے جب گزشتہ ماہ شروع ہونے والی حکومت اور پی ٹی آئی کے درمیان بات چیت اس ہفتے جوڈیشل کمیشن کے معاملے پر تعطل کا شکار ہے۔

ایک اور ایکس پیغام میں عمران خان نے ہدایت کی ہے کہ 8 فروری کو ملک بھر میں یوم سیاہ کے طور پر منایا جائے اور خیبرپختونخوا میں بڑے پیمانے پر احتجاج اور شٹر ڈاؤن کیا جائے۔