امریکی صدر نے صحافیوں سے بات کرتے ہوئے کہا کہ وہ یہ سب نہیں دیکھنا چاہتے اور یہ ڈراؤنا خواب ختم ہونا ہے۔ ان کے مطابق غزہ جنگ کے حوالے سے اہم اور فیصلہ کن نتیجہ اگلے 2 سے 3 ہفتوں میں سامنے آئے گا۔صدر ٹرمپ نے کہا کہ ہم نے ماضی میں سات جنگیں روکی ہیں، ٹیرف اور تجارتی معاہدوں کے ذریعے بھی جنگیں روکی جا سکتی ہیں۔انہوں نے مزید کہا کہ وہ یوکرین میں جنگ کا خاتمہ بھی چاہتے ہیں اور امریکہ اب یوکرین پر مزید رقم خرچ نہیں کرے گا۔اسرائیلی فوج نے پیر کے روز غزہ میں الناصر ہسپتال پر بمباری کی جس کے نتیجے میں ڈیوٹی پر موجود پانچ صحافیوں سمیت 20 افراد ہلاک ہو گئے۔اسپتال حملے کے بعد خان یونس میں اسرائیلی فائرنگ سے فلسطینی صحافی اور ماہر تعلیم حسن دوہان بھی شہید ہوگئے۔ غزہ میں ایک ہی دن میں شہید ہونے والے صحافیوں کی تعداد چھ ہوگئی ہے۔