غزہ میں جبالیہ پناہ گزین کیمپ میں اسرائیلی فضائیہ کی جانب سے دو گھروں پر بمباری کی گئی جس کے نتیجے میں ایک واقعے میں 27 افراد ہلاک اور دوسرے واقعے میں ایک ہی خاندان کے 13 افراد ہلاک اور 15 زخمی ہوگئے۔غزہ کی بندرگاہ کے قریب اسرائیلی فوج کی فائرنگ سے 12 افراد نشانہ بنے جب کہ نصیرات کے علاقے میں مسجد پر بمباری سے خواتین اور بچوں سمیت درجنوں افراد شہید اور زخمی ہوگئے۔
یہ بھی پڑھیں
اسرائیل کی غزہ کے ہسپتال پر بمباری، 800 سے زائد فلسطینی شہید
حزب اللہ نے تین اسرائیلی فوجی اڈوں پر حملہ کر کے ٹینک اور جاسوسی کا سامان تباہ کر دیا۔دیر البلاح میں مکان پر بمباری کے نتیجے میں مزید 10 افراد شہید اور 22 زخمی ہوگئے جب کہ 18 افراد ملبے تلے دبے ہوئے ہیں۔اسرائیلی فورسز نے مغربی غزہ کی پٹی میں ہلال احمر کے صدر دفتر اور القدس اسپتال کے قریب رہائشی عمارتوں اور سڑکوں پر 30 منٹ تک گولہ باری کی۔ہلال احمر کے ہیڈ کوارٹر میں بھی بموں کے ٹکڑے گرے جہاں عملے کے علاوہ 8000 افراد نے پناہ لی ہے۔
دوسری جانب الشفاء اسپتال کے قریبی علاقے پر بھی بمباری کی گئی، جس میں بڑے پیمانے پر شہادتیں ہوئیں۔خان یونس میں اقوام متحدہ کے زیر انتظام اسکول پر بھی بمباری کی گئی جس سے متعدد افراد جاں بحق جب کہ قریبی مکان تباہ ہوگیا جس کے نتیجے میں بڑی تعداد میں ہلاکتیں بھی ہوئیں۔البکری ہاؤس پر حملے میں ایک ہی خاندان کے 7 افراد ہلاک ہوئے جب کہ الزیتون کے علاقے میں گھروں پر 20 بم گرائے گئے جس سے تمام گھر ملبے کے ڈھیر میں تبدیل ہوگئے۔فلسطینی میڈیا کے مطابق غزہ کے علاوہ مغربی کنارے میں 64 فلسطینی شہید ہوئے ہیں جن میں 55 خواتین اور بچے ہیں۔غزہ میں اسرائیلی بمباری سے 4500 رہائشی عمارتیں اور 12000 مکانات تباہ ہو چکے ہیں۔
