اردوورلڈ کینیڈا ( ویب نیوز )عوامی مسلم لیگ کے سربراہ اور سابق وفاقی وزیر داخلہ شیخ رشید احمد نے کہا ہے کہ مہنگائی کی شرح 30 فیصد تک پہنچ گئی ہے اور نیپرا نے بجلی کی فی یونٹ قیمت میں 5 روپے اضافے کی سمری بھجوا دی ہے
سماجی رابطے کی ویب سائٹ ٹوئٹر پر اپنے بیان میں شیخ رشید احمد کا کہنا تھا کہ مفتاح ایک ارب ڈالر کی پہلی قسط لے کر آئے تھے، ڈار کے بہت سے منصوبے تھے لیکن آخر کار آئی ایم ایف کے سامنے گھٹنے ٹیکنے کے سوا کوئی منصوبہ نظر نہیں آیا، بیمار معیشت اور عوام کی ابتر حالت قابل رحم ہے۔
مہنگائی کا تناسب 30فیصد پر جا پہنچا ہے اور نیپرا نے بجلی 5 روپے فی یونٹ اضافے کی سمری بھیج کر مہنگائی کی ماری عوام کو مزید خوف زدہ کر دیا ہے 1 ارب ڈالر کی پہلی قسط تو مفتاع بھی لے آیا تھا ڈار کے پاس کئی پلان تھے لیکن بالآخر انہیں اور وزیراعظم کو imf کے آگے ایک سال ضائع کرنے اور…
— Sheikh Rashid Ahmed (@ShkhRasheed) July 15, 2023
انہوں نے کہا کہ ڈالر، بجلی، گیس، آٹا مزید مہنگا ہو جائے گا۔ پاکستان دیوالیہ ہونے سے بچ گیا ہے لیکن دیوالیہ ہونے کی تلوار لٹک رہی ہے۔ پاکستان کو ماہانہ 4 ارب ڈالر کی درآمدات کی ضرورت ہے، شرح نمو صفر ہے، برآمدات میں اضافہ نہیں ہو رہا، ترسیلات نہیں آ رہیں
سابق وفاقی وزیر نے کہا کہ دبئی میں ہونے والے اہم سیاسی اجلاس میں شامل نہ ہونے والے مولانا فضل الرحمان بھی صدر کے امیدوار ہیں اور نگران حکومت میں زیادہ حصہ مانگ رہے ہیں۔ خاموشی معنی خیز ہے، نواز شریف عبادت میں مصروف ہیں، انہیں غریبوں کا دکھ بانٹنے کی فرصت نہیں
انہوں نے کہا کہ عوام کو قومی معاملات میں شریک نہ کیا گیا تو سیاسی اور معاشی بحران میں اضافہ ہوتا رہے گا۔ نگران حکومت آنے پر پتہ چلے گا کہ انتخابات کب ہوں گے اور کس معیار کے ہوں گے، اگر پی ڈی ایم نے نگران حکومت کے عہدے بانٹنے میں ہوشیاری دکھائی تو انتخابات وقت سے پہلے ہی متنازعہ بن جائیں گے۔
عوامی مسلم لیگ کے سربراہ کا مزید کہنا تھا کہ عوام اب بے ہوش نہیں، باشعور ہو کر سب کچھ سمجھ چکے ہیں۔ نگران حکومت نے آپس میں تقسیم کر کے غریبوں کو ڈانٹ پلائی تو مسائل مزید سنگین اور پیچیدہ ہو جائیں گے۔
