215
پیٹرولیم مصنوعات کی قیمتوں میں ایک بار پھر اضافے کا امکان، اوگرا نے حکومت کو سمری ارسال کردی۔
تفصیلات کے مطابق آئل اینڈ گیس ریگولیٹری اتھارٹی (اوگرا) نے پیٹرولیم مصنوعات کی قیمتوں میں 55 روپے فی لیٹر تک اضافے کی سمری حکومت کو ارسال کردی ہے۔
اوگرا نے حکومت کو تجویز دی ہے کہ پیٹرول 29 روپے اور ڈیزل 55 روپے فی لیٹر مہنگا کیا جائے۔ حکومت پیٹرولیم مصنوعات کی قیمتوں کا حتمی فیصلہ آج کرے گی۔
توقع ہے کہ وزیراعظم شہباز شریف پیٹرولیم مصنوعات کی قیمتوں میں اضافے کی منظوری دیں گے۔
پیٹرول کی موجودہ قیمت 209.86 روپے فی لیٹر، ڈیزل 204.15 روپے فی لیٹر، لائٹ ڈیزل 178.03 روپے فی لیٹر اور مٹی کا تیل 181.94 روپے فی لیٹر ہے۔
