ishtiaq ahmed 
اردو ورلڈ کینیڈا ( ویب نیوز )چیئرمین نجکاری کمیشن نے اسٹیل ملز کی بحالی کے لیے پلان تیار کرلیا
کابینہ کمیٹی نے متفقہ طور پر سٹیل ملز کی بحالی کا خیر مقدم کیا ہے
کابینہ کمیٹی برائے نجکاری کا اجلاس وزیر خزانہ مفتاح اسماعیل کی زیر صدارت ہوا جس میں چیئرمین نجکاری کمیشن نے موجودہ نجکاری پلان کا روڈ میپ پیش کیا۔
اجلاس میں چیئرمین نجکاری کمیشن نے اسٹیل ملز کی بحالی کے لیے حکومتی منصوبہ بھی پیش کیا
اجلاس سے جاری بیان میں کہا گیا کہ کابینہ کمیٹی نے متفقہ طور پر اسٹیل ملز کی بحالی کا خیرمقدم کیا جس کے بعد وزیر خزانہ نے وزارت صنعت، پاور ڈویژن کو نجکاری کمیشن کے ساتھ مل کر مسائل حل کرنے کی ہدایت کی۔
بیان میں کہا گیا ہے کہ کابینہ کمیٹی نے راہ میں حائل رکاوٹوں کو دور کرنے کے لیے ایک ذیلی کمیٹی تشکیل دی تھی جس میں وزیر پاور ڈویژن، چیئرمین نجکاری کمیشن اور متعلقہ وزارتوں کے سیکرٹریز شامل ہوں گے۔
اجلاس میں کمیٹی کو بجلی کی تقسیم کار کمپنیوں کے درمیان نجی شراکت داری پر بریفنگ دی گئی
