اردو ورلڈ کینیڈا ( ویب نیوز ) پرتگال کے مشہور فٹبالر کرسٹیانو رونالڈو نے اپنا یوٹیوب چینل لانچ کردیا جس نے چند گھنٹوں میں لاکھوں صارفین کی توجہ حاصل کرکے ریکارڈ قائم کردیا۔کرسٹیانو رونالڈو نے گزشتہ روز اپنے سوشل میڈیا اکاؤنٹس پر ایک پوسٹ کی جس میں انہوں نے اپنے یوٹیوب چینل کو صارفین سے متعارف کرایا اور ان سے کہا کہ وہ میرے چینل کو سبسکرائب کریں اور اس نئے سفر میں میرا ساتھ دیں۔
اس کے چینل نے اس وقت 11.2 ملین سبسکرائبرز حاصل کیے ہیں، اور ان کی ایک ویڈیو کو صرف 13 گھنٹوں میں 7.6 ملین سے زیادہ صارفین دیکھ چکے ہیں۔واضح رہے کہ کرسٹیانو رونالڈو کے سماجی رابطوں کی ویب سائٹس پر بھی اکاؤنٹس ہیں، ایکس پلیٹ فارم پر 112.5 ملین فالوورز، فیس بک پر 170 ملین اور انسٹاگرام پر 636 ملین فالوورز ہیں۔39 سالہ پرتگالی فارورڈ، جو پانچ بار بیلن ڈی اور جیت چکے ہیں، سعودی عرب کے کلب النصر کے لیے کھیلتے ہیں۔
