ٹورنٹو بلیو جیز میں شمولیت کے بعد انہوں نے پہلی بار راجرز سینٹر کے شاندار اور پُرجوش تماشائیوں کے سامنے کھیلنے کا تجربہ کیا۔ میدان تماشائیوں سے بھرا ہوا تھا، شور اور جوش و خروش عروج پر تھا، لیکن نتیجہ ان کے حق میں نہ آیا۔ ملواکی بروئرز کے خلاف کھیلے گئے میچ میں بلیو جیز کو 7-2 سے شکست ہوئی۔ بیبر نے 5.1 اننگز میں پانچ ہٹ پر دو رنز دیے اور چھ کھلاڑیوں کو آؤٹ کیا، تاہم اپنی ٹیم کو کامیابی دلانے میں ناکام رہے۔ میچ کے بعد میڈیا سے گفتگو کرتے ہوئے 2020 کے سائ یانگ ایوارڈ یافتہ اسٹار نے کہا کہ **“تماشائیوں نے بالکل مایوس نہیں کیا۔ یہ بالکل پلے آف جیسا ماحول تھا اور میں بہت پرجوش تھا۔”

بیبر کو گزشتہ ماہ 31 جولائی کو کلیولینڈ گارڈینز سے ٹورانٹو بھیجا گیا تھا۔ وہ 2025 کے سیزن میں کلیولینڈ کے لیے نہیں کھیل پائے تھے کیونکہ وہ ٹومی جان سرجری سے صحت یاب ہو رہے تھے۔ بلیو جیز کے لیے ان کا پہلا میچ 22 اگست کو میامی میں ہوا، جہاں انہوں نے شاندار کارکردگی دکھاتے ہوئے 9 کھلاڑیوں کو آؤٹ کیا اور صرف دو ہٹ پر ایک رن دیا۔راجرز سینٹر میں پہلی پرفارمنس پر گفتگو کرتے ہوئے بیبر نے کہا کہ کینیڈا کے موسم اور چھت کھلنے یا بند ہونے کے فرق سے پچنگ پر اثر پڑتا ہے۔ **“کچھ پچز پر فرق محسوس ہوا، اس تجربے کو ذہن میں محفوظ کر رہا ہوں تاکہ آئندہ بہتر حکمتِ عملی بنا سکوں۔

ٹورانٹو کے مینیجر جان شنیڈر نے بھی بیبر کی کارکردگی کو سراہتے ہوئے کہا کہ اگرچہ وہ کچھ چیزوں پر مطمئن نہیں ہوں گے لیکن مجموعی طور پر ان کا کھیل شاندار تھا۔ شنیڈر کے مطابق بیبر کا انداز پُر اعتماد تھا اور انہوں نے کسی بیٹر کو واک نہیں دیا۔

ٹورانٹو بلیو جیز کے ساتھ بیبر کا سفر ابھی نیا ہے، لیکن کوچ شنیڈر کے مطابق وہ پہلے ہی میکس شرزر اور کرس باسٹ جیسے سینئر کھلاڑیوں کے ساتھ بہترین تعلقات قائم کر چکے ہیں۔ شنیڈر نے مزاحیہ انداز میں کہا کہ  وہ بالکل ایسے ہیں جیسے خاندان کا وہ بھائی جو قمیض اندر ڈال کر پہنتا ہے جبکہ باقی دو شرارتوں میں مصروف رہتے ہیں۔میچ کے دوران ایک اور واقعہ اس وقت پیش آیا جب بلیو جیز کے اسٹار سینٹر فیلڈر ڈیلٹن ورشو کو ملواکی کے بولر کی تیز گیند ہاتھ پر لگی اور وہ تکلیف میں زمین پر گر گئے۔ بعد ازاں ان کا ایکسرے کیا گیا جو خوش قسمتی سے منفی آیا۔ شنیڈر نے تصدیق کی کہ ورشو کو کوئی بڑی چوٹ نہیں لگی، صرف معمولی درد ہے۔شین بیبر اب تک اپنے آٹھ سالہ کیریئر میں 63-33 کا ریکارڈ بنا چکے ہیں۔ ان کا ایرا 3.21 ہے اور وہ 973 بیٹرز کو آؤٹ کر چکے ہیں۔ وہ دو بار آل اسٹار ٹیم کا حصہ رہ چکے ہیں (2019، 2021) اور 2022 میں گولڈ گلوو ایوارڈ بھی جیت چکے ہیں۔بلیو جیز اور بروئرز کے درمیان سیریز کا دوسرا میچ ہفتے کے روز کھیلا جائے گا، جسے ماہرین ورلڈ سیریز کا پیش خیمہ قرار دے رہے ہیں۔