امریکا میں کی جانے والی ایک تحقیق میں کینسر کے علاج کے لیے تجرباتی ادویات استعمال کرنے والے تمام مریض ٹھیک ہوگئے، جسے ماہرین نے ایک معجزہ قرار دیا ہے۔
نیویارک کے ایک کینسر سینٹر میں کی گئی ایک تحقیق کے دوران ملاشی کے کینسر میں مبتلا 18 مریضوں کو 6 ماہ تک صرف تجرباتی دوا Doster Alimab دی گئی، جس کے نتیجے میں تمام مریضوں کی حیرت انگیز طور پر اچھی صحت یابی ہوئی۔
میڈیا سے بات کرتے ہوئے میموریل سیلون کیٹرنگ سینٹر کے ایک ماہر کا کہنا تھا کہ اس سے قبل ایسا کبھی نہیں ہوا کہ تجربے کے دوران کینسر کے تمام مریض ٹھیک ہوئے ہوں۔ انہوں نے کہا کہ یہ پہلی بار ہوا ہے
واضح رہے کہ تجربے میں استعمال ہونے والی دوا لینے سے قبل ملاشی کے کینسر میں مبتلا افراد کی کیموتھراپی، ریڈی ایشن اور دیگر سرجری کروائی گئیں جس کے نتیجے میں انہیں کئی جسمانی بیماریوں کا سامنا کرنا پڑا تاہم حالیہ تحقیق اور تجربے کے بعد کسی قسم کے علاج کی ضرورت نہیں پڑی۔
امریکی میڈیا سے بات کرتے ہوئے آنکولوجسٹ ڈاکٹر ہانا سانوف نے کہا کہ یہ ایک امیونو تھراپی دوا ہے جسے تجربے میں استعمال کیا گیا ہے۔ اس قسم کی دوائی کینسر کے بجائے مریض کے مدافعتی نظام کی وجہ سے ایسا کرتی ہے۔
