اردو ورلڈ کینیڈا ( ویب نیوز ) ایرانی فوج کے چیف آف اسٹاف میجر جنرل باقری کا کہنا ہے کہ ایران اسماعیل ہنیہ کے قتل کا بدلہ لینے کے طریقے کا جائزہ لے رہا ہے۔میجر جنرل باقری نے کہا کہ کئی اقدامات کرنے ہوں گے، اسرائیل کو توبہ کرنا پڑے گی، اسماعیل ہنیہ کی شہادت کا بدلہ لیا جائے گا۔اس سے قبل امریکی اخبار نے دعویٰ کیا تھا کہ آیت اللہ خامنہ ای نے اسماعیل ہنیہ کی شہادت کے فوری بعد ایران کی سپریم نیشنل سیکیورٹی کونسل کے ہنگامی اجلاس میں اسرائیل پر براہ راست حملے کا حکم دیا تھا۔
اسماعیل ہنیہ کے انتقام میں ایران کے سپریم لیڈر نے اسرائیل پر براہ راست حملے کا حکم دیا۔واضح رہے کہ حماس کے سربراہ اسماعیل ہنیہ 31 جولائی کو ایرانی دارالحکومت تہران میں اسرائیلی حملے میں شہید ہوگئے تھے۔7 اکتوبر 2023 سے غزہ پر جاری اسرائیلی جارحیت میں اسماعیل ہنیہ کی بہن، بیٹے اور پوتے سمیت خاندان کے کئی افراد شہید ہو چکے ہیں۔
