105
اردو ورلڈ کینیڈا ( ویب نیوز ) کوہ پیماؤں کو لے جانے والی منی بس کھائی میں گر گئی جس کے نتیجے میں 10 افراد ہلاک اور 8 زخمی ہوگئے۔
ایرا ن میں صوبائی ایمرجنسی سروسز کے ترجمان واحد شدینیا نے بتایا کہ حادثہ مشرقی آذربائیجان صوبے کے شہر ورزغان کے قریب پیش آیا۔
انہوں نے بتایا کہ منی بس پہاڑی علاقے میں واقع ایک سیاحتی گاؤں کی طرف جا رہی تھی کہ نامعلوم وجوہات کی بناء پر الٹ گئی اور کھائی میں گر گئی۔ترجمان نے بتایا کہ حادثے میں ڈرائیور سمیت 10 افراد جاں بحق اور 8 زخمی ہوئے۔ انہوں نے کہا کہ مسافروں نے سیٹ بیلٹ نہیں باندھی، اگر وہ سیٹ بیلٹ باندھتے تو متاثرین کی تعداد کم ہوتی۔واضح رہے کہ سڑکیں اچھی حالت میں ہونے کے باوجود ایران میں ٹریفک حادثات میں اموات کی شرح کافی زیادہ ہے جس کی وجہ گاڑی چلانے کی ناقص احتیاطی تدابیر ہیں۔
