اردوورلڈ کینیڈا ( ویب نیوز )لاڑکانہ، قمبر شہداد کوٹ، کشمور، کندھ کوٹ اضلاع کی کالعدم قوم پرست تنظیموں کے 100 رہنماؤں اور کارکنوں نے اپنی جماعتوں سے لاتعلقی کا اظہار کرتے ہوئے قومی دھارے میں شمولیت اختیار کر لی۔

قوم پرست جماعتوں کے منحرف رہنماؤں نے کہا کہ قوم پرست جماعتیں سندھ کے حقوق کا نعرہ لگا کر نوجوانوں کو تخریبی سرگرمیوں کے لیے استعمال کرتی ہیں، ان تنظیموں میں رہ کر سوائے شرمندگی اور وقت ضائع کرنے کے کچھ حاصل نہیں ہوا۔

قوم پرست رہنماؤں کا مزید کہنا تھا کہ اس ملک کے خلاف جس کے خلاف ہم نعرے لگاتے رہے، ریلیاں نکال کر ہمیں حقوق، عزت اور پہچان دی، نوجوانوں سے اپیل ہے کہ وہ تعلیم پر توجہ دیں اور مثبت کردار ادا کریں، حکومت اور قانون نافذ کرنے والے اداروں کو یقین دلاتے ہیں کہ ملک کے ساتھ مخلص ہوں گے۔

قوم پرست رہنماؤں کا مزید کہنا تھا کہ آج کے بعد وہ کسی قوم پرست جماعت یا تنظیم سے کوئی تعلق نہیں رکھیں گے۔