44
اردو ورلڈ کینیڈا ( ویب نیوز ) چین میں بے قابو اسکول بس ہجوم پر چڑھ دوڑی جس کے نتیجے میں طلبہ سمیت 11 افراد ہلاک ہوگئے۔غیر ملکی میڈیا کے مطابق واقعہ چین کے صوبے شان ڈونگ میں پیش آیا جہاں ایک اسکول بس اپنے ڈرائیور سے کنٹرول کھو بیٹھی اور اسکول کے قریب کھڑی ہجوم سے جا ٹکرائی جس کے نتیجے میں 11 افراد ہلاک اور متعدد زخمی ہوگئے۔
برٹش براڈکاسٹنگ کارپوریشن (بی بی سی) کے مطابق چین کے سرکاری میڈیا نے 11 ہلاکتوں کی تصدیق کرتے ہوئے کہا ہے کہ مرنے والوں میں 5 طالب علم اور 6 دیگر بچوں کے والدین تھے۔پولیس نے بس ڈرائیور کو حراست میں لے لیا ہے جس سے تفتیش کی جا رہی ہے تاہم فوری طور پر حادثے کی وجہ معلوم نہیں ہو سکی ہے۔
