اردو ورلڈ کینیڈا ( ویب نیوز)آئل اینڈ گیس ریگولیٹری اتھارٹی (اوگرا) نے پیٹرولیم ڈویژن کی ایڈوائس پر گیس کے نرخوں میں 113 فیصد اضافہ کردیا۔

اوگرا کی جانب سے جاری نوٹیفکیشن کے مطابق گھریلو صارفین سمیت مختلف شعبوں کے لیے گیس کی قیمت میں 16 سے 113 فیصد تک اضافہ کیا گیا ہے جب کہ گھریلو صارفین کو 12 مختلف محفوظ اور غیر محفوظ کیٹیگریز میں تقسیم کیا گیا ہے۔

گھریلو صارفین کو ماہانہ 25 کیوبک میٹر گیس استعمال کرنے سے استثنیٰ دیا گیا ہے جبکہ دیگر گھریلو صارفین کا ٹیرف 25 سے بڑھا کر 113 فیصد کر دیا گیا ہے۔

کمرشل صارفین کے لیے گیس کی قیمت میں 28.6 فیصد اضافہ کیا گیا ہے جس کے بعد گیس کی نئی قیمت 1650 روپے ہو گئی ہے جب کہ پاور سیکٹر کے لیے گیس کی قیمت بھی 22.8 فیصد اضافے سے 1050 روپے ہو گئی ہے۔

صنعتوں کے لیے 34%، سی این جی سیکٹر کے لیے 31%، کھاد کے لیے 46% اور سیمنٹ سیکٹر کے لیے گیس کے لیے 17.46%گیس کی نئی قیمتوں کا اطلاق یکم جنوری سے 30 جون 2023 تک ہوگا۔