M Irfan Ullah 
اردوورلڈ کینیڈا( ویب نیوز)انڈونیشیا میں ایک دولہے کو 12 دن بعد پتہ چلا کہ اسکی بیوی ایک مرد ہے.عالمی خبر رساں ایجنسی کے مطابق 26 سالہ لڑکے کی ایڈینڈا نامی لڑکی سے گفتگو انسٹاگرام پر شروع ہوئی اور دونوں نے باہر ملنا شروع کر دیا اور پھر شادی کر لی.
شادی کے 12 دن بعد د ولہا نے تھانے میں رپورٹ درج کرائی کہ مجھے دھوکہ دیا گیا. میری دلہن مرد نکلی.
بیان میں مزید کہا گیا ہے کہ وہ شادی سے پہلے ملاقات کیلئے جب آتی تو ہمیشہ پردے میں رہتی تھی اور شادی کے دن اس کے گھر والوں میں سے کوئی بھی موجود نہیں تھا.
دولہے کے مطابق دلہن نے یہ بہانہ بنایا تھا کہ اس کے والدین فوت ہو گئے ہیں اور اسے اس کے قریبی رشتہ داروں نے چھوڑ دیا ہے کیونکہ وہ غریب اور یتیم تھی .
دولہے کا کہنا تھا کہ شادی کے ایک ہفتے بعد بھی جب وہ میرے پاس نہیں آئی تو مجھے شک ہوا اور تلاش شروع کر دی. جس سے حقیقت سامنے آئی.
دولہا نے پولیس کو مزید بتایا کہ اڈندا کے والدین زندہ ہیں اور وہ اپنے بچے کے 12 دن سے لاپتہ ہونے سے پریشان ہیں.
26 سالہ نوجوان کو اس کے گھر والوں نے یہ بھی بتایا کہ اڈنڈا لڑکی نہیں بلکہ لڑکا ہے.
پولیس نے ایڈینڈا کو گرفتار کیا جس نے اعترافی بیان میں کہا کہ اس نے جائیداد پر قبضہ کرنے کے لیے ایسا کیا ہے۔
