اردوورلڈ کینیڈا( ویب نیوز)سپریم کورٹ نے سنی اتحاد کونسل کی مخصوص نشستوں کے معاملے پر تمام دستیاب 13 ججوں پر مشتمل فل کورٹ بنچ تشکیل دیا ہے.

بنچ کے سربراہ پاکستان کے چیف جسٹس قاضی فائز عیسیٰ ہوں گے. کیس کی سماعت سنی اتحاد کونسل کی درخواست پر 3 جون کو ہوگی.
ذرائع کے مطابق جسٹس مسرت ہلالی دل کی تکلیف کے باعث بنچ میں شامل نہیں ہیں.
واضح رہے کہ سپریم کورٹ کے جسٹس منصور علی شاہ کی سربراہی میں 3 رکنی بنچ نے پشاور ہائی کورٹ کے فیصلے کو معطل کر دیاتھا سنی اتحاد کونسل نے پشاور ہائی کورٹ کے مخصوص نشستیں حاصل کرنے کے فیصلے کے خلاف سپریم کورٹ سے رجوع کیا تھا.
پشاور ہائی کورٹ نے سنی اتحاد کونسل کی مخصوص نشستوں کو دیگر سیاسی جماعتوں کے درمیان بانٹنے کے فیصلے کو برقرار رکھا تھا.