اردو ورلڈ کینیڈا ( ویب نیوز )روس کے شہر کوسٹروما کے ایک نائٹ کلب میں آتشزدگی کے واقعے کے سلسلے میں پولیس نے ایک مشتبہ شخص کو گرفتار کر لیا ہے۔کوسٹروما سٹی پولیس نے بتایا کہ اس واقعے کے سلسلے میں ایک مقدمہ درج کر لیا گیا ہے۔ گرفتار ملزم کو تفتیشی حکام کے حوالے کر دیا گیا ہے۔ پولی گون نائٹ کلب اور ریسٹورنٹ میں لگنے والی آگ نے 3500 مربع میٹر کے رقبے کو اپنی لپیٹ میں لے لیا۔اس حادثے میں تیرہ افراد ہلاک اور چار زخمی ہو گئے۔روس کی ہنگامی صورتحال کی وزارت کے مطابق عمارت سے 250 افراد کو نکال لیا گیا ہے ۔
پولیس نے ایک شخص کو غیر قانونی آپریشن کے الزام میں گرفتار کیا ہے اسے پوچھ گچھ کے لیے حکام کے حوالے کر دیا گیا ہے۔
پولی گون کلب میں مقامی وقت کے مطابق 2.30 بجے آگ لگی۔جس کے بعد عمارت سے 250 افراد کو باہر نکالا گیا۔
روس کے یوکرین پر حملے کے بعد سے روس کے بڑے کیمیکل پلانٹس، سٹوریج ڈپو اور دفاعی تحقیقی مراکز میں آگ اور دھماکے ہوئے ہیں۔روس نے اس پراسرار آگ کی وجہ پر کوئی تبصرہ نہیں کیا ہے۔
