اردورلڈ کینیڈا ( ویب نیوز)بڑے پیمانے پر جنگلات میں لگنے والی آگ کے باعث کینیڈا کے جنوبی شمال میں ہنگامی حالت کا اعلان کر دیا گیا ہے۔
غیر ملکی میڈیا رپورٹس کے مطابق جنگل کی آگ کئی مربع فٹ تک پھیل گئی ہے جس نے 13 صوبوں کو اپنی لپیٹ میں لے لیا ہے۔
حکام نے خطرے کے پیش نظر مکینوں کو انخلا کے احکامات جاری کر د ئیے ہیں جب کہ آگ بجھانے کے لیے فوج کی مدد بھی طلب کر لی گئی ہے۔

دوسری جانب آگ سے اٹھنے والے دھویں کے باعث کینیڈا کی فضا سب سے زیادہ آلودہ ہوگئی ہے اور اس کے باعث پڑوسی ملک امریکا میں فضائی آلودگی بے قابو ہوگئی ہے جہاں اب تک ایک کروڑ سے زائد افراد متاثر ہوچکے ہیں۔ پروازیں بھی منسوخ کی جا رہی ہیں اور بیرونی تقریبات سے گریز کیا جا رہا ہے۔
کینیڈا پہلے ہی دنیا کے سب سے تیزی سے گرم ہونے والے خطوں میں سے ایک ہے، جبکہ موسمیاتی تبدیلی نے ملک کو درپیش انتہائی موسمی واقعات کی تعداد اور شدت میں اضافہ کیا ہے۔
سائنس دانوں کا کہنا ہے کہ موسمیاتی تبدیلی سے زیادہ گرم اور خشک موسم کا خطرہ بڑھ جاتا ہے جس سے جنگل میں آگ لگنے کا امکان بڑھ جاتا ہے۔
واضح رہے کہ شمال کے جنوبی حصے میں جولائی میں سب سے زیادہ درجہ حرارت تھا جو 37 ڈگری سینٹی گریڈ تک پہنچ گیا تھا۔